ديوان

كوركور بابايه سلام ـ تحية الى بابا كركر

اسماعيل سرت توركمان،1965
Büyük Şair-Yazar : İsmail Serttürkmen

سؤزوموز يازيمي ايله

گورگور بابا سلام اولسون دريندن
يابانجى دئييلم٬ اؤزلر ائليندن
ننه قوجاغيندان٬ مردلر بئليندن
گورگور بابا سالساو بيزي ياديوا
آديميز باغليدير سنيو آديوا

* * * * * *

گورگوربابا گلديم عيتابلاشماغا
داها دوغروسو بئله دردله شمه يه
چوخ باخسان باشيمداكي باش باغا
باشيمداكىيدي توركمان ايشارتي
قييافتيميزدي طوبلر عشيره تي

* * * * * *

بير داها حؤرمتدن سني سالاملار
دئديييم جومله لر اييي كلاملار
چوخ ده يه رلي٬ چوخ معنالي آنلاملار
دﻳنله مني اوزوندو عيتابيميز
بير اثردي ميللته كيتابيميز

* * * * * *

آنلادييساو جواب ايسته ر سؤزلريم
چئويرمه يه جه يم سندن گؤزلريم
من اﻳچدن دردلىيه م٬ چوخدو دردلريم
حئيدر بابا شاهيد اولسون بيزلره
قاووشاركن خوش قونوشسون سيزلره

* * * * * *

گورگوربابا آتشلريو ياناندا
يارﻯ سارﻯ٬ ياريﺳﻰ دومانلاناندا
بيلمه زيديك دئديييوي او آندا
قورخوموزدان اوزاقلاردن باخارديق
يولدوز كيمين ياتاقلارا آخارديق

* * * * * *

گورگوربابا ياز گئجه سي ايشيغيو
ساووقلاردا قيزغين قيزغين قيشليغيو
اوشاقلاري سئوينديره ن خوشلوغوو
من بئشيكدن ايشيل ايشيل باخارديم
اوشاق ايكن حيكمتيوي اوخارديم

* * * * * *

بؤيوك اولدوم٬ آديو اييي يازارديم
دووارلاردا٬ خرجانلرده قازارديم
آديوى سئومه يه نه آغيز بوزه رديم
ايشته زامان نئتدي ٬ ائتدي بيزلره
دايانميشيق چولوم- چوجوق سيزلره

* * * * * *

گورگوربابا ايشيغيودا اوينارديق
قازانداكي نفتيو كيمين قاينارديق
صوبح ائركن خوروزلاردان باينارديق
هاردا قالدي گونلريميز٬ چاغيميز
ويران اولدو باغوانيميز٬ باغيميز

* * * * * *

گورگوربابا بيز بيليريك٬ بيزيمسن
باهاليسان٬ جيگريمسن٬ گؤزومسن
فدا اولسون سنه اوغلان٬ قيزيم سن
داماريودا آخان منيم قانيمدير
توپراقلاريو گومانيمدير٬ جانيمدير

* * * * * *

گورگوربابا سيغينميشيق يانيوا
ايسته بيزدن٬ جان قاتاريق جانيوا
بو بايغينليق هاردان گلدي قانيوا
دامارلاريوداكي دده م قانىيدي
نئديم كركوك موسافيرلر خانىيدي

* * * * * *

گورگوربابا قالاميزا قارشيسان
بيزدن اوزاق بيلمه م كيمه قونشوسان
گور سسيونن نه لر٬ نه دانيشيسان
گورگوربابا اوزاق باخاق يوللارا
سونا اوچار گنه قونار گوللره

* * * * * *

گورگوربابا دده لرين ايلينده
كيملر گئتدي٬ كيملر قالدي يئرينده
بير اويونجاق اولدوق زامان الينده
بو فلك ايسته رسه گوله ر حاليوا
تاراش ائده ر٬ گؤزگو وئري اليوه

* * * * * *

گورگوربابا آغير باشلى اولايديو
قوجالايديو٬ چوخ دا ياشلى اولايديو
قالام كيمين مرمر داشلى اولايديو
بير قيرسايديو دوشمانلارين باشيني
پوزار ايديو هر خايينين ايشيني

* * * * * *

گورگوربابا محلله مين سوقاغي
هر يئردن چوخ ايميش يانان اوجاغي
نئشه لي اولسايدى چيچكلي٬ باغي
دييه ريديم زامان گولدو اوزومه
سولموش ايديم٬ گنه گلديم اؤزومه

* * * * * *

گورگوربابا قويونو قوردا وئرديو
آرامادان اؤزوو يئريوده دوردوو
مين اولدو دردلريو٬ بير ايكن درديو
هر كسين يوكونو وئرديو دالينا
دؤوران ايسه قاليب حالى حالينا

* * * * * *

گورگوربابا سندن ايللر گئچيپدير
ياناشاودان نئچه كروان كؤچوپدور
گوگورتلو سويوودان مينلر ايچيبپدير
سندن ايسته رديلر خسته لر شفا
نه يازيقدى بوگون قالماييب وفا

* * * * * *

گورگوربابا زامان بيزي جورغالار
تهديد ائده ائده باشين يورغالار
بولبوللر يئرينه قونوب قارغالار
آللاه بلا وئرسين بئله خويلارا
بيلمه م ندن ظولم اولو ايييلره

* * * * * *

گورگوربابا خرمنلرين يئرينده
قيزلار اوينار آلتين كمر بئلينده
معني دئييب سؤزو ارير ديلينده
بيز ده اوزاقلاردان دوروب دينله رديك
آرا سيرا اوزلاريدان اوينارديق

* * * * * *

گورگوربابا محطه نين يولوندا
گؤزه ل يارين قوللاريميز قولوندا
ساغ يانيميز تاخيل٬ گوللر سولوندا
قوخلاريديق اوبا اوبا نرگيزي
آرار ايدي گؤرمه سه يدي يار بيزي

* * * * * *

گورگوربابا باغلار قوخو ساچاردي
چئشيت چئشيت گوللريميز آچاردي
آرخلاريميز هئچ دورمادان قاچاردي
سوسوزلوقدان سولدو پمبه گوللريم
داها نه يه وارسين اكه ن اللريم

* * * * * *

گورگوربابا داغلاريودا ايچه رديك
خياللانيب اورمانلارا قاچارديق
گوللرين اييىسين بيزلر بيچه رديك
كيمه قالدي سن بيليسن چاغيميز
گئچدى گنجليك٬ خزل اولدو باغيميز

* * * * * *

گورگوربابا مصلانين دوزلويو
سئيران اولان باهارليغي٬ يازليغي
دده٬ نينه م دييه ن خوش آوازليغي
پيس قارغالار ايندي اوردا گزيري
بو حاللاردان اوره ييمي ازيري

* * * * * *

گورگوربابا روزگار گليب گزه ردى
عاشيقلارين هر درديني يازاردى
غملى اولانلارا همان قيزاردى
ايندى بيلمه م نه دن گلمه ز يانيما
خوشلوق ايكن غم بوياندى قانيما

* * * * * *

گورگوربابا دؤرت باغلارين يانيندا
دؤشه نه رديك گؤزه لجه هئيوانيندا
تونكيلب (؟) دؤشه رديك گول زامانينده
ايندى باخيم هئچ گئتميريك اورايا
دالداكى اوزوملر دؤندو قورايا

* * * * * *

گورگوربابا درديميزى سورموسان
گؤزلريمدن آخان ياشى گؤرموسن
بو گورگور سسيودن بير آز دورموسان
چوخ آنلاتيم سنه اولان درديمي
گؤزوكورو٬ سئوميسن بيزه يارديمى

* * * * * *

گورگوربابا ظولمه قارشى٬ قارشى دور
يورد خايينلرينه چال دا مارشى٬ دور
اؤكسوزلرى٬ مظلوملارى اوخشا٬ دور
يوخسا نئده جه يه م گورگور آديوى
سالماز ايسه و٬ بيزى گونده ياديوا

* * * * * *

گورگوربابا قتل-ى عامين گونونده
آسيلانلار نه يدى قيشلا اؤنونده
كور دئييلديو گؤزوو٬ باشيو يئرينده
غافيل غافيل سمالارا باخيرديو
دوردورمادان نفتيو كيمه آخيرديو

* * * * * *

آسلان كيمين گنجلر چوخورا دولدو
قانلارى آرخ تكين گؤللره دولدو
كيمسه لي كيمسه سيز اللرده قالدي
توپراغيوين ياريسي قاندى٬ ياريسي جان
بيز قوربان اولموشوق سن ده اول قوربان

* * * * * *

گورگوربابا كومينيستلر قاچاردى
پنجره٬ قاپىيا آتش آچاردى
سيلاحسيز ايگيدلر حالى ناچاردى
حقدى سن اولارى اوخالايايديو
مملكت خايينين ياخالايايديو

* * * * * *

گورگوربابا گئجه لرين ياريسى
شهيدلرين يالغيز قالدى ياوريسى
ماللارين كومينيست اولدو واريثى
گنه شرفيميز قورتارابيلديك
دوشمانلارى ازيب دهره بيلديرديك

* * * * * *

گونلرجه باشيميز دالغالى قالدى
دره٬ تپه٬ آغاج هر طرف دالدى
بير گون بيزدن فلك نامردجه چالدى
هئچ ده اونوتماريق گؤردويوموز گونو
دهرين ياسى وارسا٬ وارميش دويونو

* * * * * *

بيلمه م نئجه آولاديلار بيزلرى
كسديلر بئشيكده بالا قيزلارى
ييغلاتديلار باباسيز اؤكسوزلرى
او گونون ياراسى ايشله ر گؤيلومده
درديميز درمانسيز٬ چاره يوخ ا لده

* * * * * *

خايين اولما٬ خيزمت ائيله يوردووا
اؤلمه دن چاره تاپ يامان درديوه
سونرا قيران دوشه ر قالان اوردووا
بيز ساياقكن٬ سن ده بير آز ساياق اول
بيز سنه داياغيق٬ سن ده داياق اول

* * * * * *

بيلمه م نئجه خبرلره اولاشديم
چيلغين چيلغين اويان بويان دولاشديم
گاه دووارا٬ گه اطرافا ساتاشديم
يوللار كسيلميشدي يئريم اوزاقدى
بيلمه م كيملر اؤلوب٬ كيملر توزاقدا

* * * * * *

ايكينجى گئجه نين بك ياريسيندا
خوليالار ايچينده٬ غم آراسيندا
قارانليق ساعاتلار قاپ قاراسيندا
بيريسى گلدى تيليفونله بيلديردى
دئدى اوشاغلاريو بيزلر اؤلدوردو

* * * * * *

هيجاندان پارچالاديم اؤزومو
ياش يئرينه قان دولدوردوم گؤزومو
كيمسه دينله ميردى فرياد٬ سؤزومو
مئيدانا گئتمه يه يول بولماز اولدوم
كسديلر يولومو٬ قاتيلماز اولدوم

* * * * * *

اوچ گون ايكى گئجه حبسه آتيلديم
تورلو تورلو افكارلارا قاتيلديم
الدن اله قوزو تكين ساتيلديم
اوسكوت اول دئديلر٬ قونوشما فضله
قانيوى ايچه ريك اويونلا ٬ سازلا

* * * * * *

گئچدى گونلر هر شئي بللى اولونجا
حؤكومتدن ايمداد قوولو گلينجه
حق مئيدانى اوزوموزه گولونجه
قورتارديلار آلان اولان واريميز
آللاه ايدى بيزه دوغرو ياريميز

* * * * * *

مني ده سالديلار قانلى حبسدن
يئل تكين اسيرديم٬ قوشوردوم حيرصدن
هوره ن٬ هايلايان چوخ تهديدلى سسدن
آراماديم٬ كسه ر اولدوم يولومو
بوشا وئرديم قيپ قيرميزى اؤلومو

* * * * * *

ائوين قاپيسينا چوخ گوجله وارديم
يوللارى قاپلايان قانلارى گؤردوم
بير سس دويمايينجا قاپينى قيرديم
گؤززكموردو بالالاريم٬ اؤزلريم
قوتوم قورودو٬ كور اولدو گؤزلريم

* * * * * *

دووارا داياندم دلىلر كيمين
آللاهيم سنه دى سنه دى يمين
بير شئيه آرتيق من دئميره م امين
تا اؤز بالالاريم توخ گؤرمه يينجه
يا دا نانكورلارى گئده رتمه ينجه

* * * * * *

نه دن سورا بير آز اؤزومه اؤيدوم
سانكي سمالاردان گيزلي سس دويدوم
نئچه دوست احبابى من اؤزوم سايديم
سس دئدى كى سنيوكيلر اوردادير
بير چوخ توركمانلاردان باجوكلدا (؟) دير

* * * * * *

اولاشديرابيلديم اليم اللره
باخديم ساري اوزلو٬ توتغون ديللره
قالان قاليب قاچان قاچيب چؤللره
وار بيزدن اؤله نلر دئديم ؟ يوخ دئدى
عيرقداشلاريميزدان اؤله ن چوخ دئدى

* * * * * *

دؤندو منه گؤيچك اوغلوم باخيشدى
بيلمه م نئجه هر يانيما ساريشدى
دويا دويا توختاشلاندى٬ قوخلاشدى
بابا دئدى شهيدلريميز چوخ ايميش
بيزه يارديم ائده ن هئچ ده يوخ ايميش

* * * * * *

نئجه گلديو بابا٬ نئجه اولاشديو؟
ناخصي سوقاقلاردان قورخمادان گئچديو؟
او يامان اللردن نئجه ده قاچديو!
اوغلوم دئديم بيزيم بودور يولوموز
وظيفه ميز قورتارماقدير ائليميز

* * * * * *

بئله قالدي اولان حاللار گونلرجه
سس صداسيز اؤله نلريميز اونلارجا
ياسلى غملى ياتان مينلر ٬ مينلرجه
بولاشميشدي هركس غملى غمينه
كيمسه گلمه ز٬ كيمسه گئتمه ز يانينا

* * * * * *

بير چوخ ائولريميز سوسوز ياماقسيز
گونلرى پريشان خسته لر حالسيز
ياري جانلى ايكن ياريسي جانسيز
بوتون دونيا قيپ قيرميزى بوياندى
ياتميش اولانلاريميز همن اوياندي

* * * * * *

آراماغا باشلاديلار هر يئرى
كيمى بوتون گؤمولوب٬ كيمي يارى
كيمي كسيليپدي قوجايلا قاري
تانينماز اولموشدو شهيدين اوزو
بير اولموشدو شيرين قاشىيلا گؤزو

* * * * * *

ظاليم اللر ايشله ميشدي هر يئرده
چاليب قيريب تؤكوب قيييبدي مرده
كيملرى حبس ايدى كيملرى طورده
تا نه لردن سورا آتاش كسيلدى
گئجه ايكن خيرخيزلار يولو بولدو

* * * * * *

سايديق شهيدلرى٬ اونلارى گئچيب
كيمي آسيلميشدي٬ كيمي بوغولوب
كيمي پارچا پارچا يئرلره دوشوب
اله دوشه نلرى توپراغا گؤمدوك
الي بوش٬ اوز قارا دا ائولره دؤندوك

* * * * * *

نه يه دالاق آرتيق ياسلار باشلادى
درين درين خاطيره لر ايشله دى
شهيد وئره ن آنا كؤسكون داشلادى
ييغلارى٬ سازلارى هارداسان بالام
كيملر منه ديلدى كيملره ديله م

* * * * * *

آى بالام بيلميره م هاردا گؤمولدوو
دونه ن يانيمدايديو نمازيو قيلديو
منه باخا باخا حسرتله گولدوو
دئديو گئده جه يم يولداش يانينا
قاتيلاجاغيم وار مرد مئيدانينا

* * * * * *

ايچين ايچين سازلاماقلار هر ياندا
شهيدين اورباسي قايناردي قاندا
سولموش اوزلريميز قفا دوماندا
چيلديرتميشدي عقليميزي اولايلار
دؤنموشدو ماتمه شانلى هالايلار

* * * * * *

گورگوربابا ايشته بويدو آنلاتيم
تورلو تورلو آجى بئله دينله تديم
بيلمه م سيخديم سنى يوخسا آغلاتديم
داها دا سور جاوابلارا حاضيرام
اؤز ائليمه اؤز يوردوما ناظيرام

* * * * * *

گورگوربابا داها نئجه گولوم من؟
نه يه وارسين نه سؤله شسين ديليم من؟
ييغلادان درديمي كيمه دئييم من؟
كاشكى درديمدن بير بيله ن اولايدى
آرا سيرا گؤز ياشيمي سيله يدى

* * * * * *

بيلديو نه دن اطراف داغلاريم غمگين
بول بول پارالار وار يوردوموز زنگين
ايسته رسه بوكه رميش فلكين جنكين
نه فايدا كي ياريم منه يار اولماز
آللاهى ويريبدي٬ قدريني بيلمه ز

* * * * * *

دالغالار ايچينده ياشايان ميللت
گئجه سي درد دولو٬ گوندوزو عيللت
ياخيشمازدى بيزه بوگونكو ذيللت
گئچه نلرده بيزلريديك وار اولان
ميللتلره مردليك بيزدندى قالان

* * * * * *

گورگوربابا بو دونيالار دؤنورو
نفتيو دينار باسار٬ غازيو يانيرى
كيملر وئردى جفا٬ كيم قازانيرى
فلك وئرى بير ده آلى اليودن
كيمسه بيلمه ز نئجه كسه ر داليدان

* * * * * *

گورگوربابا دؤندوم عيتابلاشماغا
يئنگيدن اوتوروب چوخ دردله شمه يه
بولوتلار قارالسا دؤنسه ده آغا
واز گئچمه ره م عقليو چئوير باشيوا
قويما يابانجي ايش قاتسين ايشيوه

* * * * * *

گورگوربابا آسمانيوا باخارام
دارغين دارغين سيرلاريوى اوخارام
خياللاردان دووار ياپيب ييخارام
گاه بولوتلار قاپلار سما اوزونو
گاه دا ياغيش ياغار ياشلار گؤزونو

* * * * * *

دؤرد اطرافيو رنگ رنگ اولو گئجه لر
سئوداودايام٬ حسرت مني قورجالار
گئجه و گؤره ن گوندوزوودن بورج آلار
عاشيقيوام٬ يوخسا باخمام اوزووه
گؤزوم تيكمه م گئجه گوندوز گؤزووه

* * * * * *

سنه عاشيق اولان محرومدو سندن
گئچه ر گئجه لرى٬ گوندوزو غملن
كاشكى اوزاقلارا دوشه يدى مندن
راحت اولوردوق بيز بو بلالاردان
نه قازانميش اولدوق گؤز آلالاردان

* * * * * *

بو نيفتيودى بيزه هر شئى گؤسته ره ن
فناليقلار٬ پيس هاوالار اسديره ن
سنسه ن سوچلو٬ بوندا سنسه ن باسديران
ننه مه ده يه ر٬ وئرديم ار شهيدلرى
گؤمدوم اؤز اليملن گنج اومودلارى

* * * * * *

ندن اوزوم گولسون بابا گورگور´وم
آز قاليبدى شيرين عقليم چيلديريم
سندن باشقا درديم كيمه بيلديريم
بو ايشه بير چاره آللاه عئشقينه
چوخ وارلىييق بنزيريك چوخ دوشكونه

* * * * * *

گورگوربابا زامانلارين ديلينده
چاش قالميشيق اونون بونون الينده
باشيميز قويموشوق ميللت يولوندا
خاخ نه دييير٬ قوي دا دئسين٬ نئيده غين
يا بو درده دؤزه ك يا دا گئده غين

* * * * * *

گورگوربابا فلك نه ياپدى ياپدى
يالغيز اولان اؤزويچون بير دوست تاپدى
هر گله ن يئريندن من منه م قوپدو
بيزلرسه بيلميريك كيمدي دوستوموز
كيملرين الينه دوشه ر پوستوموز

* * * * * *

گورگوربابا قالان قولان بيزلريك
دده لردن گئرى قالان ايزله ريك
گئچميش تاريخلره ايچدن سيزلاريق
قافقازلاردا پنجه له شه ن كيم واردى
كيملريدى آتلاريميزى سوواردى

* * * * * *
گورگوربابا قورخما بوگون٬ ياريندان
سيجاغيندان٬ ساووغوندان٬ قاريندان
دوشونجه سي ضعيف سوغان زاريندان
بوگون بئله ايسه٬ يارين دايانماز
فلك بير ياماندى٬ هر شئيى قانماز

* * * * * *

گورگوربابا سني قيزان قاليبدى
گئجه گوندوز دوشونجه يه داليبدي
اؤزوو ده بيلميرى نه لر آليبدي
نئجه گيردى نئجه چيخسين بو ايلدن
نئجه قورتاراجاق گورگورلو سئلدن

* * * * * *

گورگوربابا يانا يانا كول اولدوو
كيمين ايديو ؟ ايندى كيملره قالديو؟
نه لر دوشونه رديو٬ نه لره دالديو!
بير آز دا دال بيزيم اولان خويلارا
واييوى قات بيزه دوشه ن وايلارا

* * * * * *

گورگوربابا ظاليم اولما حاققيما
يوك اكله مه آغيرلاشان يوكومه
دردله شه غين سن ده آجي درديمه
يارالىيام٬ اؤزوم چئشيتلى يئردن
آلماديم بير خبر وفاسيز ياردان

* * * * * *

يانا يانا گورگوربابا قالاسان
اؤز غميوه گئجه گوندوز دالاسان
من دئديييم عئشقه اؤزوو سالاسان
بلكى يانار سرت گؤيلوو حاليميزه
گئچيرده سه ن قولووو قولوموزا

* * * * * *

گورگوربابا دره تپه بيلميسن
سنه ديله نلره هئچ ده ديلميسن
ييللارجا آغلاديم٬ گؤزوم سيلميسن
كؤلگه وده ياشايان غريبى تانى
نه جانى جانيودان٬ نه قاندى قانى

* * * * * *

سوفله بير قان بسله ر بنزه مه ز قانا
ظاليمجه قييديلار چوخ شيرين جانا
آتاشيودان بتر اوره ييميز يانا
اؤلسه م بيله اونوتمارام گونلريم
چوخ ايري دارتديلار يومشاق دنلريم

* * * * * *

گورگوربابا گل يادلاياق اؤزلرى
اوزاقلاردن سيزه باخان گؤزلرى
توخ ائديبسن آلتينيندان يوزلرى
سنى بكله يه نلر كيمدى بيلسن
ندن سئوگيلييه جفا قيلسان؟

* * * * * *

گورگوربابا ييغناق اولاق بير يئره
قالماسين آرادا تپه ينن دره
مادام كى بختيميز قارادى قارا
توپلاناغين٬ بير اولاغين ائليميزده
ائو بيزيمدى آناختارى بئليميزده

* * * * * *

قوجا بابا قويما دوشه ك ديللره
رذيل اولاق اصيلدن رذيللره
بيلمه م سنه ديييم٬ بيلمه م ائللره
خايين بيزه چاغداشيميز٬ چاغيميز
لال اولوبدو باغوانيميز٬ باغيميز

* * * * * *

گورگوربابا اطراف داغا باخاركن
ياغيش ياغار دره لره آخاركن
سئللر داشار معمورلارى ييخاركن
كاشكى من ده ياغمور اولوب اينه يديم
فايداسيز آتشيو بير سؤندوره يديم

* * * * * *

چوخ آجيديم يانيوا گلديييمه
غم داشييان حاللارى گؤردويومه
سيرر بيلمه يه نلره سيرر وئرديييمه
گورگوربابا دؤنه جه يم گئدير ه م
چوخ عيتابلار سنه قارشى ائديره م

* * * * * *

كاشكى درديم فلكه بيلديره يديم
بلكى دينله ردى٬ آه بير دينديره يدم
قيزميش ايسه اووودوب سؤندوره يدم
سندن اييي بلكى سيزلار حاليما
يالوارمادان سنيو تكين ظاليما

* * * * * *

گورگوربابا كؤيلريميز اوزاقدى
چؤلللريميز بولبول يئرينه زاغدى
باداملى قوزوموز قوخموش قوزاقدى
ياغيش ياغار بيزدن اوزاق چؤللره
سويوموز يوخ قوش٬ قونمورو گوللره

* * * * * *

گورگوربابا آرخلاريميز قاچاردى
اوراغيميز دسته دسته بيچه ردى
بوگونه باخ خسته لريم ناچاردى
نئده غين گولمورو اوزوموزه فلك
بير سؤز دئسه م چالينير دف٬ دمبه لك

* * * * * *

قيرميزيلار دورانديلار ايييجه
بير دم فيكيرلره سالان دالماجا
دورانديلار بير عاشيق دورانجا
دالغا گلدى سيلدى اولان ايزلرين
گنه دئديكلريميز اولدو بيزلرين

* * * * * *

آى ييلديزا باخاريديق گئجه لر
دوشونجه لريمى دردلر قورجالار
بورجو ويران بير ده دؤنه ر بورج اولار
ساقين گووه نيلمه ز فلك ايشينه
سنى آلدادى٬ گولدورو بوشونا

* * * * * *

دئديييميز سؤزلرى آنلاماديلار
بويوردوغوموزو دينله مه ديلر
اويغون اولان شئيى آراماديلار
فلك دئدى دور باخ سيزه نئده ره م
ذاتن بودو٬ بيلديييمى ائده ره م

* * * * * *

گورگوربابا چوخ سؤله شديم بس دگى
قارشيداكى ملا دگى٬ قس دگى
گور سسيوه گؤره سسيم سس دگى
گل گئده ك ده گزه ك شيرين ائللرده
باخ نه خاراب گزينيسن ديللرده

* * * * * *

تلعفرين ايگيدلرى مردلرى
بيزدنديلر جاوانلارى قارتلارى
صاف قانلارى٬ سوموكلرى٬ اتلرى
گل بولارا بيرگون سفر ائده غين
آياغداكى باشيميزدان گئده غين

* * * * * *

اربيلين قالاسى اوسككدن باخار
فلكه اوخلارى اوخ اوسته تاخار
ياش يئرينه گؤزلريندن قان آخار
اطرافيندا نيسان سويو ايچه نلر
دسته دسته نرگيزلرى بيچه نلر

* * * * * *

آلتين كؤپرو عيشرت ييغار باشينا
چوخ اسكيدى كيمسه بيلمه ز ياشى نه؟
خوش دؤوراندى ال اوزاتما ايشينه
اورادى هر زامان سئيرانگاهيميز
كور ائده يدى دوشمانلارى آهيميز

* * * * * *

گورگوربابا تزه دگى داغلاريم
اطرافيندا نرگيز گوللو باغلاريم
غمگين ايميش ايندى دييير چاغلاريم
كيمسه گلمه ز٬ كيمسه گئتمه ز يانينا
گئچه ن گونلر هپسى ميننت جانينا

* * * * * *

گورگوربابا طاوغن ميناراسى
يارالدى٬ قاپانميرى ياراسى
اسكى دوستوموزدو دوستلار آراسى
ياراسينا حكيم طبيب اولايديو
قارانليقلارينا ايشيق بولايديو

* * * * * *

گورگور بابا طوز خورماتى داغلارى
نشئه وئره ن عاشيقلارا باغلارى
هاردا قالدى دوزه ن وئره ن چاغلارى
اونون سندن بكله دييى چوخ ايميش
گوللرى وار٬ باغوانلارى يوخ ايميش

* * * * * *

گورگور بابا شاه سيوره ك ياللارى
بيزى قوجاقلايان تميز قوللارى
قورويوپدو بوداغيندا داللارى
آچ گؤزووو باخگينان اوزاق يوللارا
سنى بكله يه ن چوخ٬ اويما ائللره

* * * * * *

خانقين´ين آلما اريك باغيندان
(وند) نهري´دى آخان اولو داغيندان
گؤره ن دييير اؤپه يدم ياناغيندان
حج قره´يه بيرگون يولو دوشه نده
باخ نه لر وارايمش او گول٬ گولشنده

* * * * * *

ايسته رسه و گل گئده ك قيزيل رباطلار´ا
اوغراياغين ايگيتلره٬ ذاتلارا
باخ كيملر مينه ردى قوشان آتلارا
قافيله ميز اورالاردن گئچه ردى
هر شئيين اييىسين اوردان سئچه ردى

* * * * * *

مندلى´دن كروانيميز گئچه نده
آلتين تاس´دا سولارينى ايچه نده
يام ياشيل باغيندان لاله بيچه نده
حؤرمت اهليديرلر منده لاوي´لر
آسلانلاردانديلار قالان ياوريلر

* * * * * *

شهره بان´دان٬ بعقوبه´دن بغدا´دا
كوچه كوچه ياييلميشدى اوز ده ده
كيمى باغلاريندا كيمي قرفه ده
ديللريندن آنلا نه وار ايچينده
دوزگون دوزگون اينجي صدف ايچينده

* * * * * *

بصره كورفه سي´ندن گئده ك تبريز´ه
شهريياردان قاووشاغين اؤز اؤزه
ديزبه ديز اوتوراق دنيا بزبزه
حئيدر بابا قاييش قورشاق كؤيونده
باخاق نه لر قازانيبدى اوينده

* * * * * *

حئيدر بابا گلديم سالاملاشماغا
كوسموش ايسه و ٬سننن باريشماغا
چوخ يورغونسان آهيو يوخ قونوشماغا
شهرييار´ا جواب وئرميش اولايديو
دردلرينه قولاق وئرميش اولايديو

* * * * * *

اوزاغداييق٬ سانما سنى گؤرمه ريك
واللاه ديليميزدن سنى سالماريق
سيزدن باشقا كيمسه لره دالماريق
حئيدر بابا گؤردوم سنى دوشومده
خياليو هله ده قاليب باشيمدا

* * * * * *

يازيق فلك دونياميزى آييردى
دوستو آتدى٬ دوشمانلارى قاييردى
سانكى خوش گونلرى بيربير ساييردى
ماراق ائتمه٬ گنه بيزيك دورانلار
فلك اوچون درتلى تورو هؤره نلر