نيسگيل‌لي مكتوب

سيد حيدر بيات

heydarbayat@yahoo.com

عئراق توركمنلرينه فيكيرلشنده هميشه آجي بير كدر مني بورويه‌ر. هجران قاضي اوغلو عيراقلي شاعير و يازيجي ايل‌لر بويو قومدا ياشاسادا آنجاق من اونونلا چوخ گئج تانيش اولدوم. آنجاق بير ايل حدودوندا من اونونلا تانيش اولوب و يولداشليق ائتديم. او گونلرده تورك ادبيات اوتاغين تازا قورموشدوق. و هميشه يولداشيم فتح الله ذوقي به‌ي ايله گئجه گوندوز تانيمادان تام ايستك ايله قوم شهرينده تورك ادبياتي‌نين گئنيشلنمه‌سينه چاليشيرديق و ائله او گونلرده هيجران قاضي اوغلو دا بيزيم آنلاريميزدا و لحظه‌لريميزده شريك ايدي. آنجاق بير ايل ده‌ن سونرا هيجران كركوكا گئتدي و بيزي اوز يولوموزدا تك قويدو. او ايل لرده بلكه ده قومدا 50 نفر عيراقلي تورك شاعير ياشاييردي . اونلار ايران دان گئده‌ن چاغدا پيام قم هفته ليگينده بير كيچيك يازي يازديم «مهاجران غريب» عنوانيندا. او يازي دا عنوان ائله‌ديم كي عيراق شيعه توركمن شاعيرلر نئچه ايل بيزيم اولكه‌ده ياشاديلار اما اونلاردا تورك اولماق جورمونه قومدا آلقيشلانماديلار حال بو كي افغانلي شاعيرلر قومدا شعر آخشاملاري‌نين گؤزو ساييليرلار و ايندي‌يه كيمي يوزده‌ن آرتيق شعر و ناغيل جايزه‌سي آپاريبلار».

آنجاق او گونلر بوتون شيرين و آجيليق‌لاري ايله سووشدولار و ايندي هيجران قاضي اوغلو بو نيسگيل‌لي و آجي دادلي يازيسيلا مني داها كدرلنديردي. اؤنا گؤره‌ده بو شعره اوخشار نيسگيل‌لي مكتوبو تك اؤزوم اوخوماق ايسته‌مه‌ديم و يولداشلاريملا پايلاشيرام.

اتش وار ساواش وار

هيجران قاضي اوغلو

سلاملاريمدان سونرا

سيزلره ايي كونلر ديله ريز

بيزيم كونوموزو ايجه بيلييورسونوز ايكي تاش اراسيندا ايكي داغ اراسيندا ايكي كؤتولوك اراسيندا قالميشيز بلكه الله دعالارينيزي قبول ائيله‌ر

بيزيم كؤزلريميزده ياش قورودور، يوره كلريميزده تاش دان بيه‌ر اولدو.

بورادا هر نه دئسه‌ن وار.

اتش وار ساواش وار، اما نه گونه ش وار نه باريش وار.

گؤزلرده ن آقان آتشلي ياش وار، يارين هر شئيي ياندبراجاق هر يوره‌گين اتشيني كوتدوره جك.

ارتيق الله بيزه يارديمجي اولسون

بورادا توركمنلر ايكي و يا داها جوق ليسته‌ده سئجيمه انيشلر بيري 555 عراق بيرله شتيريلميش كواليسيومو ليسته‌سي اوبيري 630 توركمن جبهه‌سي ايسته‌سي آيريجا داغينيق شكلده ده باشقا ليسته‌لرده ده توركمن واردير بورادا هر شئي چوق شولوغدور. نه قانون وار نه ده نظام. آنجاق زور قوت وار، هر كيمن جته سي سيلاحلي قوتي وارسا او ميداندادير. گوجلدودور بيزلر ايسه تجربه ميز يوق ايچين اليميزده بير شئي يوق. فقط ساغا سولا باقييوروز اياغلاريمييزين آلتيندان سو كجييزرسادا بير شئي ياپا بيلمه‌ريز. هر شئي زور قوت امان يوق نه گئجه نه گوندوز نه ائوينده نه باواردا نه ده ايشينده ذوق‌دا يوق.

ارتيق خوشجا قالين