تک سوچوم تورک اولماقدیر / کرکوکلو شمس الدین کوزه‌جی
۵ , ۱۳۸۶, ۰۳:۲۱ 
گئجه‌م گوندوزوم آجی
وطن باشیمین تاجی
دردیمین یوخ عیلاجی
تک سوچوم تورک اولماقدیر
اؤزگورلوگه قاتیلدیم
زیندانلارا آتیلدیم
کؤله کیمی ساتیلدیم
تک سوچوم تورک اولماقدیر
باغلادیلار قولومو
غیب ائتدیم ساغ سولومو
بکله‌مه‌یین یولومو
تک سوچوم تورک اولماقدیر
گورگور سسیم دویولدو
قارا گؤزوم اویولدو
دریم بئله سویولدو
تک سوچوم تورک اولماقدیر
قلمیمی قیردیلار
بیله‌گیمی بوردولار
دیلیمی سوسدوردولار
تک سوچوم تورک اولماقدیر
دیار دیار سورولدوم
سورگون اولوب گؤرولدوم
درد چکمه‌دن یورولدوم
تک سوچوم تورک اولماقدیر
یوردسوز اوجاقسیز قالدیم
تورکون حالینا دالدیم
آرتیق جاندان اوساندیم
تک سوچوم تورک اولماقدیر
تورپاغیما گئده‌مم
اؤزگورلوک سوز ائده‌مم
اینسانلیغا قییامام
تک سوچوم تورک اولماقدیر
قوتسال‌دیر موجادیله‌م
یازسین بونو مرد قلم
ایچیمی سارمیش الم
تک سوچوم تورک اولماقدیر
میللت ایچین جان وئردیم
نئچه قهرمان وئردیم
شاه داماردان قان وئردیم
تک سوچوم تورک اولماقدیر
دارآغاجدان آسیلدیم
قوربان کیمی کسیلدیم
کؤرپو کیمی باسیلدیم
تک سوچوم تورک اولماقدیر
دوست الیله شیشلندیم
اؤز یوردومدا دیشلاندیم*
حاقسیز یئره فیشلندیم
تک سوچوم تورک اولماقدیر
*دیشلاندیم: خارج اولدوم، اؤزگه ساییلدیم
قایناق: کرکوک شاعیرلری، شمس الدین کوزه‌جی، ص ۵۸۰، آنکارا ۲۰۰۶
——
کؤچوروب حاضیرلایان
www.hbayat.com
posted by Mehran Baharlı @ 6:13 PM
0 Comments:
Post a Comment
<< Home