آذربايجان هؤکومتي عراق تورکمنلرينه يارديم ائده جک
تحصيل و مدنيت نازيرليکلري کونکرئت تکليفلريني آچيقلاديلار.
معلوم اولدوغو کيمي، ۰۳-۱۰ سپتامبر تاريخلري آراسيندان آسيا ديالوقو ايجتيماعي بيرليگي عراق تورکمن جبهه سي ليدئرلري نين آذربايجانا بير هفته ليک سفريني تشکيل ائتميش و لوببي چاليشماسيني حياتا کئچيرميشدي.
بو لاييهه چرچيوه سينده عراق تورکمنلري نين پروبلئملرينه هسر اولونموش سيمپوزيوم کئچيريلميش، İTC رهبرليگينه داخيل اولان شخصلردن عيبارت هئيتين آذربايجانين دؤولت قوروملاري، سياسي پارتييالاري، غئيري-هؤکومت تشکيلاتلاري، مئديا قورولوشلاري ايله جيدي گؤروشلري تشکيل اولونموشدو.
همين سيمپوزيوم و گؤروشلرده آذربايجاندان عراق تورکمنلرينه جيدي دستک وعد اولونموشدو.
آرتيق دؤولت قوروملاري بو وعدلرين گئرچکلشديريلمه سي ايستيقامتينده آدديملار آتماغا باشلاييبلار. خاريجي ايشلر نازيرليگيندن آسيا ديالوقو ايجتيماعي بيرليگينه داخيل اولان مکتوبدا آذربايجان هؤکومتي نين عراق تورکمنلرينه ائديله جک يارديملاردان سؤز آچيلير. نازير موعاويني خلف خلفووون ايمضاسييلا بيرليگي گلن مکتوبدا دئييلير کي، خاريجي ايشلر نازيرليگي عراق تورکمنلري ايله باغلي تحصيل و مدنيت و توريزم نازيرليکلرينه رسمي سورغو گؤندره رک مووافيق جاوابلار آليب.
تحصيل نازيرليگي نين جاواب مکتوبوندا دئييلير کي، آذربايجان هؤکومتي عراق تورکمن جبهه سي اوچون تورکمنلرين آذربايجان عالي مکتبلرينده تحصيل آلمالاري مقصديله دؤولت حسابينا لازيمي ميقداردا کووتالار آييرا بيلر. جاوابدا بيلديريليب کي، بو مسئله موثبت هلل اولوناجاغي تقديرده، نازيرليک مووافيق تدبيرلري حياتا کئچيره بيلر.
مدنيت و توريزم نازيرليگين ايسه ايراق تورکمنلرينه چاپ محصوللاري نين ايستحصالي، عراق اراضيسينده يئرلشن تورک مدني ايرسي نين سيياهييا آلينماسي و اينوئنتارلاشديريلماسي، سيلاهلي موناقيشه دؤوروندن سونرا آبيده لرين برپاسي، بيرگه ائتنوقرافيک، مدني، تاريخي، علمي اثرلرين حاضيرلانماسي و نشري، آذربايجانين توريزم اوزره تحصيل موسسيسه لرينده عراق تورکمنلري نين تحصيل آلماسي، تورکسوي طرفيندن عراقين تورکديللي اهاليسينه دستگين کوورديناسيياسي ساهه لرينده يارديم گؤستره بيله جگيني بيان ائديب.
axcp
posted by Mehran Baharlı @ 2:15 AM
0 Comments:
Post a Comment
<< Home